Un volcán de Islandia colapsa o espacio aéreo europeo
No día de onte un volcán do glaciar Eyjafjllajokull mantén en terra gran parte da frota europea de avións. Moitos dos principais aeroportos europeos están pechados nestes momentos, debido á gran nube de cinza que cubre gran parte do continente europeo.
Para hoxe están programados 11000 voos, o que dista bastante da cifra dun día normal que é 28000 voos aproximadamente, e so sobre 100 voos trans oceánicos partirán hoxe de europa dos habituais 300. Onte foron cancelados uns 5000 voos e parece que afectará ós voos da fin de semán. Todo dependerá da evolución da nube, pero semella que ata o luns non teremos unha situación de total normalidade.
Ás prohibicións de onte súmanse as dos aeroportos Alemáns (Fráncfort,Tegel e Schönefeld en Berlín, os de Hamburgo, Düsseldorf, Hannover, Bremen, Münster, Colonia e Leipzig), Holanda tamén conta cos seus aeroportos pechados (prevee abrir ás 20:00), Francia pechou algún dos seus aeroportos (Como Orly e Charles de Gaulle dende as 23:00 de onte), Polonia (zona norte), Bélgica (prevee abrir as 18:00), Estonia, Letonia, Lituania, Austria e República Checa. Moitos de estes aeroportos pensan volver a operar hoxe ás 14:00, 18:00 ou as 20:00 pero todo dependerá da evolución da nube de cinza.
No caso de Polonia podería afectar ó voo das múltiples personalidades que pensaban asistir ó enterro do presidente Polaco, fallecido no recente accidente dun Tupolev 154M, Lech Kaczynski.
Eurocontrol actualizará a súa web con información máis detallada da situación.
Como dato, decir que a medida responde a que xa se ten constancia de como respode un avión ante a cinza. En 1982 un Boeing 747 , de British Airways cruzou a cinza dun volcán do Monte Galunggung en Yakarta. Este avión adentrouse nunha nube de cinza o que provocou que os catro motores deixaran de funcionar. Os pilotos trataron de planear o máximo posible co avión mentras trataban de acender de novo os motores. Finalmente as máscaras de oxixeno saltaron o que fixo que o capitán tomase a decisión de descender ata unha altura con aire respirable, o que provocou a saida da nube e que os motores volvesen a funcionar. Finalmente aterrou en Yakarta con un motor avariado e o parabrisas completamente inservible. Pese a todo foi unha aterraxe perfecta. Para os que lle gusten os videos, deixámosvos unha recreación da situación da serie Mayday: All Engines Failed Pt.1
Máis Info:
